Lítið sem gerist, en allt er gott

Ok... Hvað er málið eiginlega? Þetta er annar dagurinn í röð sem ég vakna bara, uppúr þurru, milli kl 4 og 5 um nóttina og get ekki sofnað aftur. Samt fer ég að sofa eftir miðnæti. Ég er ekki alveg að skilja og er að verða ansi pirraður á þessu. Vaktin í vinnunni í kvöld á eftir að verða ansi skrautleg ef ég er nánast ósofinn.

Það er alveg fáránlega langt síðan ég hef sett færslu hingað inn. Málið er að það bara gerist svo lítið hjá mér þessa dagana. Ég vil ekki að þetta verði eins og gamla bloggið mitt þar sem ég var bara farinn að verða framlenging á b2.is (batman.is þá). Ég var einfaldlega farinn að fara inná b2.is og ef ég sá eitthvað sem mér fannst fyndið, þá setti ég færslu um það. Mjög lame blogg þarna alveg í endanum.

Skólinn á mig nær allan þessa dagana. Kláraði nokkur lokaverkefni um daginn og var alveg að gera útaf við sjálfan mig. DVDMyndir.com var einmitt sett á vefinn. Þetta er alls ekki full kláruð útgáfa, heldur er þetta nóg fyrir skilin. Ég fékk 8,5 í einkunn fyrir þetta. Ég er í pásu með vinnsluna á þessu þar til prófin eru amk búin. Ég er búinn að fara í eitt próf og það er annað á eftir. Alvöru prófin byrja ekki fyrr en í næstu viku, samt.

Ég fekk HDDVD drif fyrir XBoxinn um daginn. Það... er... geðveikt!!! Sérstaklega þegar maður er með mynd í HDDVD sem er algjört augnakonfekt. Ég fekk einmitt Transformers á HDDVD um daginn og ég get ekki sagt annað en, "splurge!" Ég á King Kong, Superman Returns og Transformers, en Transformers er eina myndin sem er tekin upp í HD upprunalega. Næstu myndir sem ég fæ mér verða nýja Harry Potter og Batman Begins. Það er bara því miður ekki nógu gott úrval af myndum til á Íslandi, en þar sem HDDVD er region free, þá get ég bara pantað að utan.

GH3 kom um daginn. Ég hef lítið annað að segja um það en, "AWESOME!"

Jæja... Éttla fara að læra...

Kv. G

P.S. - Ef þið ætlið að skrá ykkur á DVDMyndir.com, þá þarf ég að virkja accountið áður en þið getið loggað ykkur inn. Það kemur viðvörun um það á vefinn í næsta buildi. Auk þess sem að allar upplýsingar sem þið setjið á vefinn gætu eyðst út seinna. Ég á örugglega eftir að purge'a gagnagrunnana fyrir release.