Emo rock madness!

Ég er alveg að missa mig í "emo rock." Eins og flestir sem þekkja mig vita, hef ég verið að hlusta mikið á My Chemical Romance undanfarið, en svo bennti Óli "sinai" mér á, af öllum mönnum, á 30 Seconds to Mars. 30 Seconds to Mars er hljómsveitin þar sem Jared Leto, the slashy (actor -slash- singer), er forsprakkinn... Það er bara fín hljómsveit. Ef þið vitið um meira í þessum stíl, endilega sendið það á mig, sko. Er alveg að fíla það. Kannski lita ég hárið á mér svart, naglalakka mig svart, gata á mér andlitið í drasl og fer að ganga í öllu svörtu og helst leðri... Dííííííííííjóóóóóóóóóóóóóóóóók!!! hahaha :D

Smá 30 Seconds to Mars...


Dexter is back!!! Já, ég sem hélt að nýja serían af Dexter ætti ekki að byrja fyrr en í Október. Það kom í ljós að það er búið að gefa út Pre-air DVD disk með fyrstu tveimur þáttunum úr annari seríu af Dexter. Ég kíkti á þá og sjitt... þeir eru góðir. Þeir sem hafa séð þáttinn vita hvað ég meina þegar ég segi, "Little Chino er djöfuls naut, mar..." Þeir sem hafa aldrei horft á Dexter eru að missa af miklu, skal ég segja þér. Þetta eru algjörir snilldar þættir og það sem er ennþá betra er að það er Showtime, cable stöðvar network, sem framleiðir þá. Það þýðir að það er ekkert verið að skafa af málfarinu eða hylja eitthvað sem væri ekki við hæfi barna. Börn eiga ekki að vera að horfa á þessar stöðvar hvort sem er. :)

Ég horfði á svo geðveikan þátt í gær úr Chappelle's Show. Það var þátturinn þar sem Charlie Murphy (stóri bróðir hans Eddie Murphy) er að segja frá sögum af sér og Rick James. Þeir sem hafa séð þennan þátt ættu að muna eftir, "I'm Rick James, bitch." Claaaassic. Þetta er nú samt ekki besti þátturinn úr Chappelle's show að mínu mati, þótt hann sé mjög svo ofarlega á listanum. Besti þátturinn var reyndar The Wayne Brady Show... Algjör snilld. Wayne Brady bara að sýna harða hlið... hahaha...

Ég fer að fá Harry Potter and the Deathly Hallows: Deluxe Edition bókina mína bráðum. Ég hef ekkert lesið neina HP bók. Þessi bók var pöntuð fyrir Elísu á sínum tíma í pre-order. Ég er að hugsa um að láta hana af hendi bara, ef einhver vill kaupa hana. Mundu, þetta er deluxe útgáfa... :)

Ég var að rölta um BT um daginn og var að skoða DVD myndir. Ég rak augun í myndina John Tucker Must Die. Þetta er mynd sem ég "átti," en Elísa tók hana með vegna þess að hún keypti hana útí London fyrir sjálfa sig. Ég áttaði mig á því að ég ætti engar svona stelpu/gelgju myndir lengur. Það einfaldlega gengur ekki. Gelgju myndir rokka (kannski er ég ekki eins emo og ég hélt, hahaha). John Tucker Must Die er snilld, sem og Mean Girls og jafnvel Bring It On (FRUMSÝNING ALDARINNAR). Maður verður alltaf að eiga einhverja gelgju mynd í safninu. Því miður var Mean Girls ekki til. Hún er í miklu uppáhaldi hjá mér í þessum flokki mynda, enda skrifuð af Saturday Night Live leikara. Ég keypti mér þó John Tucker Must Die, þar sem hún kostaði bara 999kr. :)

Ég fekk vinnu tölvuna mína aftur áðan. Hún var tekin í gegn eftir að hafa farið í hengla eftir þennan MSN vírus. Algjört rugl sko. Það er svo langt síðan ég hef fengið vírus og hef aldrei fengið neinn sem hefur haft svona hrikalegar afleiðingar, en allt er nú fyrst.

Enda þetta á smá texta frá My Chemical Romance...

Have you heard the news that you're dead?
No one ever had much nice to say
I think they never liked you anyway
Oh take
Me from the hospital bed
Wouldn't it be grand
It ain't exactly what you planned
And wouldn't it be great if
We were dead

Ohh Dead!

Kv. G

"%& /"# $&"$/" $&"#$ %!"#%

DEMIT!! Ég fékk einhvern helvítis MSN vírus í gær. Yfirleitt fell ég ekki fyrir þessu helvíti. Það er yfirleitt auðvellt þegar flestir á MSN contact lista manns eru íslenskir og MSN vírusar nota ensk beituskilaboð, en þetta kom frá útlenskum vini mínum. Svo var þetta einhver vafasöm skrá, en ég var svo þreyttur að ég bara hugsaði ekki einu sinni um það. Djöfull vaknaði ég þegar ég fattaði þetta. Díses...

Ég gleymdi að segja í síðustu færslu að ég lét gera við pústið á bílnum mínum á fimmtudaginn. Já, þetta er eitthvað sem ég er búinn að bíða með að gera í tæpt ár. Ég bjóst nefnilega við alveg 30þ kr. reikning. Ég fór með bílinn í BJB í Hafnarfirði og þegar bíllinn var kominn inn, beið ég eftir að það væri búið að lyfta honum upp svo að ég gæti séð hvað þetta hvar mikið. Gaurinn leit á þetta og sagði, "nú, er þetta bara brotið?" Hann bennti mér á fremra rörið og sagði að það væri ryðfrítt stál og hægt væri að sjóða það bara. Ég hugsaði bara, "awesome!" Ég labbaði útí Jolla, sem er við hliðina á BJB, til að kaupa mér eitthvað að drekka á meðan ég beið. Ég kom tilbaka, þá var bíllinn kominn niður og gaurinn var að reyna að ýta bílnum út svo að hann kæmi öðrum inn... HAHAHA... Þetta kostaði 1800kr og tók 5 mín. Ég hefði ekki átt að bíða með að gera þetta... :D

Það kom nýr teaser trailer fyrir The Dark Knight á netið um daginn. Ekkert er sýnt, en maður heyrir í Heath Ledger sem Joker í trailernum. Ég iða í skinninu eftir þessari mynd, sko... Hún kemur næsta sumar. Hérna er teaserinn...


Þessi helgi var svona "smeh," eins og maður segir á góðri íslensku. Það var alveg gaman, sko... bara ekki legendary. Ég fór í smá partí til Sverris á föstudaginn. Talað var um að fara ekkert í bæinn og var ég bara mjög sáttur við það. Þegar ég kom, þá sagði Sverrir að ég hefði átt að koma með XBoxinn og Guitar Hero 2. Við ákváðum bara að fara og sækja tækið. Við fórum heim til mín að sækja allt draslið og þegar við vorum komnir heim til Sverris, þá tók ég eftir því að hann var ekki með leikinn sjálfan, sem ég hafði rétt honum. Við þurftum að fara aftur heim... svei. Eftir að ég var búinn að húkka tækið upp, varð leikurinn instant hit, en fólk vildi samt fara í bæinn og Sverrir ákvað þá að fara líka. Ég hefði ekki farið með XBoxinn ef ég hefði vitað af því. Ég ákvað bara að fara heim og vera lame... Þetta rímaði... :o

Á laugardaginn kíkti ég aðeins á djammið með Óla "sinai" og Hjördísi. Við fórum á Barinn og Bar 11. Ekki alveg mínir staðir, en alltaf gott að prófa eitthvað nýtt. Æj, Barinn er kannski ágætur stundum, en Bar 11 er bara svo asnalega uppsettur og alltaf troðinn allstaðar með fullt af flöskuhálsum þar sem er tappi af fólki þegar maður er að labba. Bara glatað...

Í gær fór ég til mömmu í mat og fékk mömmu pizzu. Það var geggjað. Algjörlega hápunkturinn á helginni. Ég verð bara svangur við að hugsa um matinn, sko... namm. Svo fór ég seinna um kvöldið á The Simpsons Movie með Hödda og Óla "sinai." Ég hitti Sylvíu, Elvu og Hödda kærastan hennar Elvu þar. Það var gaman að sjá þau, en við töluðum nú samt ekkert mikið saman þrátt fyrir að það var nægur tími til þess. Ég veit ekki alveg afhverju. En, já... Simpsons myndin var góð, sko. Ekkert æðisleg, í rauninni bara eins og flottur og langur Simpsons þáttur. Bjóst einhver við einhverju öðru? :)

Btw, ég keypti miðana fyrir bíóið á midi.is og var það mjög þægilegt fyrir mynd sem selst líklega upp á. Ég lét senda miðann í MMS í símann. Mjög hentugt, en það virkaði ekki að skanna strikamerkið á skjánum á símanum, sem ég bjóst alltaf við. :P

Ég held að ég sé búinn að skrifa nóg í dag...

Kv. G