Loksins góður sumarsmellur...

Transformers var, vægast sagt, snilld. Allt á undan myndinni var það ekki. Ég og Höddi fórum í Kringlubíó í gær og það var massív röð fyrir utan. Sem betur fer voru Gummi Kári, Arnar, Óli "sinai" og co. búnir að komast framarlega í þeirri svo að við komumst þar inn. Það var ekki svo slæmt, svo sem. Svo komum við inní bíóið og þá varð til önnur röð fyrir utan salinn. That's where things got seriously iffy... Við erum að tala um mesta hita-, svita- og nördalykt sem ég hef fundið. Djöfull var heitt þarna inni. Sviti dropaði niður bakið á mér og ég var bara í þunnri skyrtu. Þetta hefur verið eitthvað ploy til að fá fólk til að kaupa sér eitthvað kalt að drekka.

Þegar komið var inní salinn var mikill léttir. Það var kveikt á A/C þar inni. Ah... the cool air was a godsend. Þegar við ætluðum að finna sæti, hins vegar, þá var svo mikill troðningur að það var ómögulegt að finna sæti saman og reyna að passa sæti fyrir aðra. Við erum að tala um að við vorum upprunnalega ca. 7 manns. Við splittuðumst á þrjá staði. Síðan komu Pési, Bjarmi, Brynja, Sævar og Krissi svona kl 19:50 og héldu að við ætluðum að passa sæti fyrir þau... Yeah... Right...

Rétt áður en myndin byrjaði var rætt yfir salinn um það að slökkva alveg á símum og ekkert að tala neitt vegna þess að það er svo truflandi. Fólk klappaði yfir því og svo byrjaði myndin. Hvað kom þar í ljós? Ég sat við hliðina á háværustu fávitum í salnum. Algjörlega óþolandi. Djöfull var ég pirraður, en samt sagði ég ekki neitt. :S

En, já... myndin sjálf var snilld. Hún var algjörlega polar opposite myndana sem ég taldi upp í síðasta pósti. Munurinn er að Transformers er snilldar mynd með nokkrum kjánalegum atriðum, en hinar myndirnar voru kjánalega með nokkrum góðum atriðum.

Éttla eyða restinni af póstinum að tala um MySpace, eða MyCrack eða CrackSpace eins og ég kýs að kalla það. Þetta er vefur sem, fyrir rúmlega mánuði síðan, var mér alveg sama um. Hins vegar núna, þá er maður alltaf að skoða þetta og hafa áhyggjur af fáránlegum hlutum. Afhverju er maður ekki á Top Friends listanum hjá friend #1? Afhverju er friend #2 hærri en ég á Top Friends listanum hjá friend #3? Afhverju er fólk ekki að commenta aftur til mín þegar ég commenta til þeirra? Afhverju vildi manneskja #4 ekki accepta mig sem vin? ERTU AÐ GRÍNAST?!? Þetta er svo fokkin' sad... Díses... Samt heldur maður alltaf áfram á þessum fjárans vef. CrackSpace er meira addictive en CrackBerry.

Ætla að ljúka þessu hérna... Góða helgi fólk. Ég reyni að blogga eitthvað um helgina ef þið nennið að lesa.

Kv. G